|
|
|
--------
# Questo testo è proprietà dell'autore e può essere usato solo per uso
personale #
Testo a cura di Alberto Valli
Accordi: Raffaele Grimaldi
IL DUELLO
Un pàss...un pàss...e pö un oltru pàss...
capèll sbassàa sö i öcc...pistola giò in bàss...
la geent la fiàda piö e l'ha cambiaa il culuu
de che a ciinq menütt se spàra suta el suu...
L' aria l'è ferma e trèmen anca i sàss
düü omen ne la via hann decidüü de cupàss
fiulitt a bùca verta che tègnen fermu el càn
el becamòort el vàrda e intaant el frèga i mànn
"Te spari per la Juve e per la partìda a scùpa
vàrdum drizz in fàcia...sun quèll che te cùpa!
E prèma de sparàtt te en dìsi ammo' vöena:
leer sìra al burdèll ho incuntraa la tua dòna..."
"Parla pirla... che fra un pö te pàrlett piö
te màndi all'infèrnu col vestii che te gh'eet sö
e dighell al demòni quaand te la dumànda:
-A quèll che m'ha cupaa, gh'eri sfrisaa la Panda-"
"CORRETE! CORRETE! I hènn dree a fà el düell
l'è mèj de la pàrtida e de quaand gh'era el carusèll
SOl RE MIm DO
Mariangela mövess che g'hànn el culp in càna
registra tücoos che gh'el vèndum al Mentana"
"Preparess che tra un àttim la pistòla la vùsa...
el tò fiöö a l'è un drugaa...el ruvìna la mia tùsa!"
"Seet te che in sö i öcc gh'eet i fètt de salàmm
la mia tùsa l'è cumè la credenza del pàn
Te seet sempru ciucch, te steet gnànca in pee,
ma taant adèss te'l lèvi me el pensee
la mia pistòla spàra e la fa mea parè
l'è mea un cioo cumè quèll che gh'eet scià te!"
"CORRETE! CORRETE! I hènn dree a fà el düell
l'è mèj de la pàrtida e de quaand gh'era el carusèll
Mariangela mövess che g'hànn el culp in càna
registra tücoos che gh'el vèndum al Mentana"
"CORRETE! CORRETE! I hènn dree a fàss la pèll
per che che g'ha prublemi gh'è pruunt el sgabèll
Madòna che tensiòn, l'è pègiu de un parto
gh'è in giir i lüsèert che i ciàpen l'infarto"
I mànn currèn in prèssa, ma i ciàpen mea la pistòla
i tìren fö tücc düü de culpu el Motorola
La geent capìss nagòtt, la vàrda scià e là...
Cume mai i pistoleri i henn dree a telefunà?
"A l'era la mia dòna, me sà che g'ho de nà
a l'è incazzàda negra, l'è pruunt de mangià..."
"El fèmm un'oltra vòlta, anca mè g'ho de scapà...
l'è el cumpleànn de quèll penènn, se sun desmentegaa"
|
