TELEVISION

DO          SOL		REm		FA

rit. 	television quanti idee, quanti nocc sö chi pultron
television quanti idee, quanti nocc cun chi buton

l'è capitàa tücoss in quela television, la vardaum al bar trà là in söl bancon
facc in bianch e negru che i pasaven a maneta,
e 'l mund in bianch e negru dent in quela scatuleta
prima ghe n'è vönn che 'l canta una canzon, e dopu i suspenden i trasmision
hann cupàa un president, pulizia, che casott, sö una machina giò a Dallas, senza la capòtt
hann dì che l'era brau, hann dì che l'era bon però i g'hann sparàa giò de 'n balcon
hann dì che l'era brau, l'ha fa tanti prumess e tanti americani i piangen anmò adess

rit.

e nömm in italia viagiaum in Cincent, cambiaum tanta roba a segunda del vent
rüava 'l carosello cun tücc i nuità, che nömm el de dopu 'naum a cumprà
e 'l papa de Bergum che 'l parlava cumè nömm, g'ha fàa fina sugnà de vess püsè bon
e ancamò incöö c'hinn pasàa tanti ann, in cà d'italiani ghe anmò 'l papa Giuann
magari pugiàa sura la television, mentre i parlen de guera de sanremo o de balòn

rit.

e quanti bej film al lünedè de sira, john waine cupava tücc senza gnà ciapà la mira
e quanti mike bongiorno al giuedè de sira, se te seret un po' baloss te purtavet a cà la lira
e quant che i partit hinn diventàa a culur, l'è sta cumè quant dopu la piogia el rüva 'l suu
e alura tütt el munt a l'era dent in quela bala, cun la television in de l'uffizi, in de la stala
vusaum, beveum cumè tanti rembambì, convinti che anca l'arbitro el pudeva sentì
e i 'naven in sö la löna e portaven a cà i sass, ma in giir in sö la tera segütaven a cupass
e i naven in sö la löna e portaven a cà i sass, e in giir in sö la tera segütaven a cupass

rit

hoo girà tütt el mund e tücc i città, setàa giò in pultrona, saràa dent in cà
hoo vedüü tücc i ropp che hann vurüü famm vedè
hoo savüü tücc i ropp che hann vurüü famm savè
g'ho scià un telecumando e g'ho piö de levà sö,
ma uramai l'è un po tardi, perchè urmai ne podi piö.