-------- # Questo testo è proprietà dell'autore e può essere usato solo per uso personale #
Testo a cura di Alberto Valli Accordi e tablature: Raffaele Grimaldi
LA BALADA DEL GENESIO
A|---0-2-3-| E|-3-------|
(4) Se ciàmi Genèsio e ho faa un po' de tütt (4) pueta e spazzèn, astronauta e magütt (4) ho pirlàa per el muund fino all'ultimo chilometro (4) innàanz e indree cumè el mercurio nel termometro...
Sun naa in söe la löena dumà cun't i öcc
ho sparaa cuntra el teemp e ho desfàa i urelòcc
ho pregaa mìla voolt senza nà giò in genöcc
ho giraa cun't el smoking e a pee biùtt piee de piöcc...
M'è tucaa imparà che la röeda la gira
che ogni taant se stravàcca el büceer de la bìra
tra furtöena e scarogna gh'è una corda che tira
quaand che el diàvul el pica el ciàpa la mira...
Sun staa l'incüdin e quai volta el martèll
ho dato retta al cuore e quai volta a l'üsèll
nel böcc de la chitàra ho scundüü questa vita
sia i pàgin in rùss che quii scrivüü a matita...
El curtèll in una man e nell'oltra un màzz de fiuu
perchè l'amuur e la moort i henn sempru lè scurdüü
ogni dè nàvi via cun un basèn o una pesciàda
cul destèn de dree di spàll per mulàmm 'na bastunàda...
E de ogni mia dòna se regòrdi el surìis
anca se cun nissöena sun rüvaa ai benìis
tanti donn che in sacòcia gh'eren scià el paradiis
insèma al rusètt i hann lassàa i cicatriis...
Scapàvi e inseguìvi senza mai ciapà fiaa
curiàndul nel veent .... fiuu senza un praa
una trotùla mata sempru in gir senza sosta
un boomerang ciùcch senza mai una risposta...
Zìngher e sciuur sempru söel mè binàri
suta un'alba e un tramuunt püssèe rüss del Campàri
