Intro: Sib Fa Mib Sib Fa (2 volte) Mib Fa Sib Sib Mib Sib
Quaand l'è rüvaa nel porto de Marsiglia
l'ha cambiaa el maar cun't una tazza de Penod
el s'è impiastraa de pagüüra e meraviglia
tütt quell che gh'era ghe l'era in del paltò
Oecc de fiöö in una fàcia de acqua dulza un baretèn per fà parè de vèss francees la schèna larga cumè I'unda che se svòlza e che la sbàtt cuntra i ricordi e'l sò paees
Ammò una volta in giir a nàula sura un puunt una furmiga che la rampèga sura èl mappamuund ammò una volta a scapà da la sua umbrìa per setàss giò e ciciarà cun quela futugrafia
E i g'hann daa ceentmìla nomm
ma l'ünich che ghe resta
forsi l'è propi quest che...
E forsi basta mea fà una guèra
tajà cun't una forbis tütt el maar
quaand seet a cà gh'è quaicòss che te sutèra
e suta el tècc gh'è mea la Stèla Pulaar
E podet beev mìla tazz de camamèla sarà i pensee ne la butèglia del vènn biaanch a la tempesta basta mea una scudèla perchè l'inchiostro de ogni viagg l'è nel to'saangh
Ammò una volta senza strada ne valiis cumè una pianta che la ne va senza i radiis ammò una volta senza spècc retruvisuur i ricordi adree de cursa, ma lüü chè curr pussèe de luur
E i g'hann daa ceentmìla nomm
ma l'ünich che ghe resta
forsi l'è propi quest che...
l'Omm de la Tempesta
E quèla zinghera setàda in sö la giustra l'era un demoni o un angel senza i a al löö l'ha verdüü la sua man 'me 'na finestra lee l'ha lengiüüda e l'ha vedüü quel tempuraal
"Nareet in giir, o furestee, per tütt el muund, ma anca el muund de una quaj paart el finirà, una tempesta l'è difficil de na' a scuund resta con me e la tempesta cesserà..."
L'è pussèe facil girà el muund ciapà pesciaad de la mia umbrìa che restà che insèma de te e brüsà questa futugrafia, perchè i m'hann daa ceentlnila nomm ma I'ünich che me resta forsi l'è propi quest che: I'Omm de la Tempesta