Home Tutti A-Z Testi Italiani A-Z Testi Stranieri A-Z Chiedi allo staff
DAVIDE VAN DE SFROOS - Accordi - Breva E Tivann
--Key----Delay----Bpm: 72---Guitar--Piano-
BREVA E TIVANN




Brèva e Tivànn, Brèva e Tivànn,

la vela la se sgùnfia e 'l timòn l'è in 'di mann,

Valtelèna ciàra e Valtelena scüra,

l'è una partìda a dama cun't el cieel che fa pagüra...


Sòlti in söe l'unda e pö se làssi nà...

El soo che tra un pezzètt el tàca a tempestà,

el soo che in söe la riva i henn là tücc a pregà,

me ciàpen per un màtt che vöer dumà negà...

E la barca la dùnda e la paar che la fùnda,

che baraùnda vèss chè in mèzz al laagh...

El laagh che l'è balòss, el laagh che 'l tradìss,

el fülmin lüsìss e 'l cieel el tussìss...

Brèva e Tivànn, Brèva e Tivànn,

i tìren e i mòlen e i te pòrten luntàn,

vàrda de scià e vàrda de là,

la spùnda la ciàma ma la barca la và...

Sòlti in söe l'unda e pö se làssi nà...

El soo che tra un pezzètt el tàca a tempestà,

el soo che in söe la riva i henn là tücc a pregà,

me ciàpen per un màtt che vöer dumà negà...

Ma urmai sun chè... in mèzz al tempuraal

tuìvess föe di bàll che a me me piaas inscè...

E urmai sun chè... in mèzz al tempuraal

tuìvess föe di bàll che a me me piaas inscè...

Brèva e Tivànn, Brèva e Tivànn,

Brèva e Tivànn, Brèva e Tivànn...