|
|
|
'A Cincuciento - Tony Tammaro (CHO)
Doppo ave fatto diebbete e cambiali
riuscette a m'accatta''na cincuciento
seconda mano ma pareva nova
verde pisello e crummature argiento
Moquetta 'nterra, tappetine 'e lusso
sedile ribaltabile, accendino
io m'ha lavavo quase ogni matina
p'o sfizio sulamente d''a guarda
Fari allo Jodio, 'nu rilorgio a quarzo
motore ritoccato, steva 'a guerra
ce avevo miso pure 'o Paioneer
nastre, cascette, pure 'e Barry White
Che vuo' senti, Carme? Donna Summer?
'nu piezzo 'e John Travolta... Peter Tosh?
Io le mettevo 'e mmane miezo 'e mmane
calavo il ribaltabile e vualà
Tengo 'nu crick dinto 'a Cincuciento
che aiza pure 'e camion a rimorchio
'stu crick e''nu regalo 'e papà mio
me cride? E' fatto 'e fierro originale
'Na brutta sera 'a lasso mmiezo 'a via
ero curruto: mamma steva male
'a metto int''o parcheggio d''o 'spitale
e quanno scengo nunn''a trovo cchiù
Me cride? addeventaie 'na lampa 'e fuoco
'o cuollo s'abbuffaie comme a 'na votte
steva scuppianno pure 'a vena aorta
e 'o core... o core nun c'ha faceva cchiù.
E mo' pure Carmela m'ha lassato
pecche' s'hanno arrubbato 'a Cincuciento
s'e'misa cu'uno cu'll'otto e cinquanta
pecche' tene 'e cascette d'Elton John
Scetateve guaglione 'e malavita
dimane 'a Cincuciento hadda sta'cca'!!!
|
